TIKHUANGTUM KHRIHFABU THAWNKEHNAK

GOLDEN JUBILEE

(1941 – 2001)

&

VOI  (44) NAK K.B.C. CIVUI

“Na bia cu ka lam ah ceunak asi’’  (Psalm 119: 105)

PU DUN PAWNG  (tleicia)

PU NI ŢIAK           (tleicia)

PI MAN RIA          (tleicia)

PI FOM DOI          (tleicia)

PI NAU PHONG    (tleicia)

PU PHUN LING

PI HMET CAN

PI NI REL

February 9 – 11 – 2001

CHUNG UM

DAL I.  TIKHUANGTUM SULLAM LE KHUATLAK NAK         (1 - 6)

(A) TIKHUANGTUM TIMI CU

(B)  KHUATLAK NAK

(C) RAMRI

(D) KHUABAWI A TUANMI HNA

(E)  PHUN ṬHENNAK

(F)  LOPIL           

DAL II. FIMTHIAMNAK                                                          (7 - 10)                                                               

(A) SIANGINN DIRHNAK

(B)  TANGHRA AWNGLE RIANTLAI

(C) ZUNGTHIAM

DAL III. BIAKNAK                                                                    (11- 18)

(A) KHRIHFA PHUNG A LUNNAK

(B)  KHRIHFA A THAWK TU HNA

(C) KHRIHFA BU ṬHENNAK

DAL IV. JUBILEE COMMITTEE HNA                               (19 – 22)

                  Sui Jubilee Hla

                                  BIAHMAIṬHI

 A kan dawtu kan Pathian lam hruainak thawngin kum zabu 21^th nak a hmansa bik kum thengte ah Tikhuangtum krihfabu nih Sui Jubilee tuahnak cantha kan hmuh caah Pathian cung ah lomhnak tampi kan ngei ko.

 Tikhuangtum kong hi kan theihthlu lai lo pn ah theihmi zong tialdih ah cun a tamtuk laic ah kan tialmi tu hi teimak te in rel piak nan kan zuam piaknak lai zaangfah kan in nawl hna.

 A tlamtling lomi cu a chuahtu cungah si ko she law, thathnemnak a um ah cun a reltu le zapi caah si ko seh.

Jubilee kan tuahpiakmi hna cu..

(1)   Pu Dun Pawng                   (tleicia)

(2)   Pu Phun Ling

(3)   Pi Hmet Can

(4)   Pi ni Rel

(5)   Pi Ni Ţiak                           (tleicia)

(6)   Pi Fom Doi

(7)   Pi Man Ria

(8)   Pi Nau Phong

                                                                                                              (Za Cung)

                                                                                                          Secretary                                                                                                  Jubilee Main Committee 

----------------------------------------------

                                      DAL I NAK

TIKHUANGTUM SULLAM LE KHUATLAKNAK

(A) TIKHUANGTUM TIMI CU:

Pingping…. Pingping…. Pingping…. Ka dua le dai rih hnik u, kan thlang in dah ngai khuangtum thawng bantuk ka theih ko ee. Aa! A si tak tung hme thatein ngairih hnik u, ping….ping ping…

Khualhringtlang ah hin Lungzerh le Khuafo hi rak tlak hmasat bikmi khua an si I cu khua hnih hna cu ramriah ah hin an rak vak tawn. Cu an ram riahnak hmun pakhat ah hin sihpi a um I cu sihpi bawh ah cun bualpi thangai pakhat pawngah riahbuk an rak ser. Cu an riahbuk cu a tu ah cun Duh Cung inn hmunn asi. Cu bualpi kam an riah ah cun zan paoh ah cu bualpi cu a awn tawn. A awng ning cu khuangtum thawng bantuk asi. Cu caah ti chungin khuang ai tum ai ee, ngai cio hmanh uh tiah an rak I ti I an riahbuk thlang tikhuangtum thawng cu an rak ngai tawn. Cu hnu cun cuka hmun ram riah an I timh paoh ah cun tikhuangtum riahbuk ah kan riak lai an rak ti cang. Cu tic un khua an hongtlak zongah  a khua min ah Tikhuangtum tiah an bunh thai.  An rak bawhmi sihpi cu a tu ah cun Donghna tikkhur kan ti I khua chungah  a um cang.

(B)  KHUATLAK NAK

Cu ticun ram lawngpi cu a um ko tikah Ramthlomi Hlawnceu pialpa phun a simi Pu Tler Hmung nih Tlangkhua a hon tlak hnuah a fale dang paoh kha a chiahta hna I a fapa hniang Tei Țhio caah ati I Lung zerh le Khuafo riahbuk asi mi Tikhuangtum cu a hon tlak piak. Hi lio can hi 1892 hrawng si dawh asi. Hi khua tlang I a rak sawmmi hna cu, Mualcin chung Pu Tler Kham asi I Sakhuah a pek. Zathang phun Leng Al, kut ol a pek. Hlawnceu calngaupa Pu Tum Sang zong Zongte ah a va lak.

Pu Tler Hmung nih a rak tlak mi khua hmun cu a tu an khua hi asi ko. Asinain an khua ah hin milungput ṭhalo mihuatchuak ngai Thawng Cuai timi a rak um I cu pa nih cun an inn hi a rak duahpiak tawn hna. Inn kangh a hmuh in cun inn a kang e… chuah ulaw ti ah an khuapi in an chuak I an thilri kha hehlaw heh tiah an rak chuahpiak tawn hna. Amah zong cu zeibang biahme a ti I inn chung thil chuah cu a cuh in a cuh ve lengmang tawn. Thil hi hleihlak ṭum a har ai ati I inn lengin inn tual ah a hlong thluahmah hna. Cu tikah hlanlio belkheng kan ti cu vawlei belkheng deuh an si caah sawp viar in an kuai dih pin ah an nau rawl ah tiin fatun tete an I chiahmi zong inntual ah cun leivawr zarinn a zar dih tawn.

Hilio caan hrawngah cun inn a kangh paohah a thaizing cu inn kangh zerh kha ulh lengmang a rak si. Ni zarh an ulh nite hna ah khan inn dang a duah chap I, cuti cun inn kang zohkhenh le inn kangh zarhulh ah rian tlai thiam loin an cann cu rak dih lengmang.

A hnu ah cun an awlawk a chawngtuk cang I zei ruangah dah hiti hin kan kangh lengmang hna tiah khuavang an khawh. Khuavang nih cun nan khuahrum nih an khangh hna nan I thial lo ah cun nan kang lengmang ko lai a ti hna. A sine ah cun thinghual leikap bo ah an I thial. Cu an I thial kumkhat an um ah khua tlatupa Pu Tler Hmung nih a thihtak hna. Hi an I ṭhial ahhin inn hleili an rak si.

Cu tlawmpal ah cun inn duahtu pa Thawng Cuai le a nupi cu an I ṭhen ngelcel. A nupi nih cun kan khua kan kangh lengmang kha ka pasal Thawng Cuai nih pei maw a duah lengmang cu. Ka chim ah ah cun a ka thah lai ti ka phang I ka chim ngam lo a ti. An thin a runtuk I, Pu Tum Sang mito hna lak ah mi chuapchap deuh veve Buan Tiam le Run Kam nan nih pahnih Thawng Cuai nan that lai tiah, Thawng Cuai Thah nak ah zu an dap. Zu cu vuai lak in an ding hnu ah Run Kan nang that an ti. Kei cu hlawnceu phun ka si I mithat phun kan si lo ati I a duh loh. Buan Tiam nang thatne an ti I, nan mah inn kangh ruangah ziah mi cu ka thah I lai cu kanawn hnga nan duh ah inn kangmi nih theh nan thah ko a ti I aduh ve loh caah Thawng Cuai cu a luat. Thawng Cuai cu ziah! Inn cu na duah lengmang tiah an hal tikah inn kangh zarh ulhnak zu talk an ding hna I kan awr a vuai hnem ka ti le ka duah ko a ti men hna anti. Inn kangh kha Thawng Cuai asi ti an theih cun khuahlun ah cun an kirṭhan I a tu tiang an hmun ko rih. Atu ah cun, inn 65 an si I minung in 400 lengkai an si ve cang.

KHUATLATU TEFA HNA

Tler Hmung→ Tei Ṭhio→ He Ling

                                          No Khuai

                                          Van Kulh

                                          Lal Lin

                                          Nawl Kio → Buan Peng

                                          Khua Lian

(c) RAMRI

Nichuahlei                         Laiva

Thlanglei                            Ruhulhva in Khualhring in Hnasangva in Tihriva ah

Nitlaklei                             Tihriva

Chaklei                              Satanva in Pilpiva in tlangchuak in Hnahcangva in Laiva ah

CHAAMKUA

Kan ram kong kan ṭial ah hin theihtlei pakhat hrelh awk ṭhalomi cu chaamkua kong asi. Lairam ah chaamkua an umtihi kan thei bal loh. Kan ram ah chamkua a um I vawr a ngei a vawr cu Laiva partiamli in a vorh I cerh pakhar zawn ah a ka a chuah. A vawr le a ka chuahhi mengkhat tluk aa hlat. Cu cerh cu Cangai a zua ngai. A sin a nain hngachia le a kal bal lomi cu kal kan senh deuh hna loh a ruang cu cu chaamkua cu a kau ngai I hramhnih a khuh pah caah theihlo in tlak sual lai kan phang. A bitkauh cu Tappi kauh hrawng asi lai lungtum vunthlak ah kurung… kareng ati I a ril thluahmah ko. Kan pupa nih uico an thlak I Laiva partiamli cun a chuak an ti. A pawngkam cu lo tuah awk a ṭhatlo caah kan kal tuk loh. Hmuh a duhmi cu zohpi khawh nan si ko.

(d) KHUABAWI A ṬUANMIHNA

(1)   Pu Tler Hmung

(2)   Pu Tum Sang

(3)   Pu Thei Ṭhio

(4)   Pu Ceu Chum          (1948-56)

(5)   Pu Hei Nuai                     (1956-60)

(6)   Pu Kim Bil               (1960-70)

(7)   Pu Leng Dun           (1970-78)

(8)   Pu Kap Cem                    (1978-88)

(9)   Pu Hram Zam          (1988-90)

(10) Pu Nawl Kio            (1990-92)

(11) Pu Fung Thang        (1992-94)

(12) Pu Van Lal                       (1994-96)

(13) Pu Lai Mang Ki       (1996-98)

(14) Pu Bual Hre                     (1998- a tu tiang.

(E) PHUN ṬHENNAK

Tikhuangtum khua chungah a tanglei bantuk in phun kan um.

1.    Hlawnceu

2.    Cinzah

3.    Zathang

4.    Mangcin chung

5.    Mualcin chung

6.    Mualhlun

7.    Bawitlung

8.    Cuunthang

9.    Hranhring

10.  Mangpa chung

(F) LOPIL

Lai Lopil: Lai Lopil cu pilli kan ngei I pilkhat ki kumthum lengmang ka tlak.

1. Inn thlang pil

2. Ruhkulh pil

3. Haithlua pil

4.Khuaicung pil

Canghmun  hi pil (11) kan ngei.

1. Innthlang

2. Khuaicung

3. Ruhkulh

4. Khuahlun

5. Khiangtawn

6. Lamthlua cungnung

7. Lamthlua tangnung

8. Teiṭhai pa thlua

9. Khualhring

10. Mauṭaal

11. Ngalbu rawn

Hi canghmun karlak ah hin hmawnglo tete an um pah.

DAL II NAK

FIMTHIAMNAK

(A) SIANGINN

     Private primary singinn cu pu Ceu Chum khuabawi a ṭuan lio ah 1948 in an rak dirh. Pu Ceu Chum cu Pu Hei Nuai nih a vun chawng I pehzulh loin a rawk ṭhan. Pu Hei Nuai cu Pu Kim Bil nih a hun chawng ṭhan I a hun dirh ṭhan nain Pu Kim Bil cu Thantlang ah a pem caah Pu Leng Dun nih a rianṭuan ta mi cu a hun peh zulh I a Cazah nih November 2. 1975 kum ah Tangli Sianginn cu an hun pek ve.

     An Sianginn cu Pu Kap Cem khuabawi a ṭuan lio ah 40˟25" in an sak. Kum tam nawn anumnak hnu ah Pu Bual Hre a ṭuan lio ah 60˟25" in 1998 kum ah a thar an sak ṭhan.

     1975 kum in nihin ni tiang Saya ṭuantu hna cu;

1.    Pu Tei Nawn                      PAT ( Sianginn hongtu)

2.    Pu Biak Muan                    Heat (1975-78)

3.    Pu Chan Rung                   Heat (1978-83)

4.    Pi Dawt Hnem                   Heat (1983-90)

5.    Pu Thla Lian                      Heat (1990-93)

6.    Pu Hram Tlai                     Heat (1993-96)

7.    Pu Siang Hmun                 Heat (1996-97)

8.    Pu Mang Thang                 Heat (1997- nihin tiang

9.    Pu David                           PAT (1980-83)                   

10.  Pi Zing Cin Thluai                    PAT (1980-86)

11.  Pu Hre Kam                     PAT (1986-90)

12.  Pu Za Cung                      PAT (1990- nihin tiang

13.  Pu Hrang Kap                  G/W (1986- nihin tiang

(C)   TANGHRA AWNG LE RIANTLAI

1. Col. Van Kulh              Minister (Retd)

2. Lt. Lal Lin                    (B.A) The Late

3. Pu Huat Thang              (Malaria Inspector)

4. Pu Pa Boa                     (B.A.B.Ed)

5. Pu Ngun Iap                 (B.Sc.B.D)      

6. Pu Ṭial Bik                    (B.A)

7. Pu Van Cung Bik         (B.A)

8. Pu Rung Lian Thang     (P.A.T Heat)

9. Pu Sui Em                     (B.Sc) USA

10.  Pastor Fung Thang     (CJC)  

11.  Pastor No Thang        (B.Th) CJC

12.  Evan. Kap Cem          (Holiness)

13.  Rev. Bawi Lin            (MBC)

14.  Pu Chan Buai             (C.PL) Police

15.  Pu Ṭial Lian                (Police)

16.  Pu Cong Lian             (Police)

17.  Pu Ceu Nawn             (Maj.)

18.  Pu Hrang Kap            (G/W)

19.  Nu Ṭha Iang               (10^th A)

20.  Nu Nhun Tin Par        (10^thA)

21.  Nu Tha Hnem             (10^thA)

22.  Nu Sui Chin               (10^th A)

23.  Lian Chin Thang        (B.Sc)

24.  Van Hniang Lian        (RIT ) USA

25.  Thang Chin Bik          (B.Sc Capt Ship)

26.  Pu Lai Mang Ki          (Cpl pensen)

27.  Pu Za Renh Hnin            (Rif.man pensen)

NU LEI HRIN

1. Ni Cer

2. Elen

3. Ral Bawi Lian

4. Ngun Thluai

5. Dr. Chan Tin Lal

6. Van Ceu Thang

7. Van Neih Lian

8. Van Neih Sui

9. Hlei Cuai

10.  Tha Tlem

11.  Tluang Zing

12.  Ṭial Hniang

13.  Uk Lian Thang

14.  Van Hmung Ling

(C)ZUNGTHIAM KAN NGEIHMI HNA

(1)Lehtama

1. Pu Lian Ki

2. Pu Khen Hrang

3. Pu Van Lal

(2) Hritlah tonghthiam

1. Pu Zo Hnin

2. Pu Kap Mang

3. Pu Huat Dun

4. Pu That Hmung

5. Pu Lian Ki

6. Pu Khen Hrang

(3) Si lei Thiammi

1.  Pu Hrang Kap

2.  Pu Hrang Lian Tlung

3.  Pi Mah Ting

4.  Val Ni Hre

5.  Leng Ṭha Iang

(4) Soser thiammi

1. Pu Duh Lal

2. Pu That Hmung

3. Pu Ro Lian Thang

4. Pu Van Lal

(5) Nau ngeihter thiammi

1. Pi Bil Men  (tleicia)

2. Pi Chia Kai

3. Pi Men Par

DAL III NAK

BIAK NAK

(A)   KHRIHFA PHUNG A LUHNAK

Tikhuangtum cu hlan ah cun zu he sa he aa ciah ve nak asi. Ni chiarte zu dah le sat hah lawng an rak rian. An khua zonghi khua hmete asi ko nain an khua vun luh lai hauka van phak cun uibo le ar khuang thawnghi a rit in a rak ri vemi khua asi. An mah tawk cun ei le din zongah tluangdang pur phiar lo in an mah kut chuak te an ei kho. Tha le zangzong in an ṭhawng ngai. Paih hna hi an uartuk I paih thiam zong an tamnak asi.

Hi tluk in zu he sa he ai ciahmi khua le ram ah cun Pu Dun Pawng Pu Phun Ling Pi Hmet Can Pi Ni Ṭiak Pi Fom Doi Pi Man Ria Pi Nau  Phing le Pi Ni Rel Hna nih 1941 kum ah Khrihfa meiceute cu an ark van I a tu ah cun Pathian nih thlua a chuah ve I sehtan pennak cu a lo I Pathian pennak ram ah a cang ve cang.

(  B)  KHRIHFA THOKTU HNA

PU Dun Pawng ( KIl Caan pa)

Pu Dun Pawng cu Pu Run Ir le Pi NU Reng nih 1918 kum ah an rak hrinmi asi. A mah hi milungfim miruahnak tha asi caah Tahtlang kai ah hin Tahtlang ah a rak kai ve. Tahtlang cu Pu Chawn Iap le Pi Hniang Thlia nih Khrihfa cia in an arak tlakmi asi caah Dun Pawng zong cu Khrihfa ah a cang ve. Cu lio ah cun Tahtlang zongah phungchim tu an har ve caah Pu Chawn Iap le Pi Hniang Thlia le Dun Pawng cu phungchim anj rak I chawng lengmang. Cu tic un Tahtlang ah cun kum zei mawzat a um hnu ah Tikhuangtum ah a hung kir I Khrihfa phung cu an hun dirh colh ve. Tikhuangtum zongah a mah hi an hruaitu cem le bochan cemmi cu asi ko. Pi Sung Thlia he an I um I fanu pakhat te Kil Can an ngeih. A fanu Kil Can cu Rulbu Pu Pek Awr he an I um I fa panga an ngeih hna.

A mah hi Tikhuangtum ah Khrihfa mei ceu a kan vang piak I Tikhuangtum zong nih Sui Jubilee tiang kan phak khawhnak asi caah a thlanro hmanh kan hmaizah peng ko.

PU Phun Ling ( Elizar pa)

Pu Phun Ling cu Pu Ral Luai le Pi Sawi Zing nih October 2, 1925 kum ah an rak hrin. Khrihfa an dirh ah hin kum (14) lawng a si rih. Rev. Van Lo nih 1941 kum ah tipil a pek. 1949 kum ah Pi Cer Nawn he an I um. Japan ral lio ah Levi kum khat a ṭuan.

Pi Cer Nawn he cun fa (7) an ngeih hnu ah a nupi nih 1967 kum ah a thih tak I, 1969 kum ah Pi NGun Ṭiak he an I um ṭhan.

Khrihfa a luhnak in a tu tiang fek tein a dir kho pengmi kan pa a si. 1946 kum ah Tahtlang ah a kan pem tak I a tu tiang a nupi le a fa le he an um ko.

Pi Cer Nawn he an fa le hna cu…

1.      Hmet Par                         (Than Cung nupi)

2.      Ṭial Hnem                       (Kulh Khar nupi)

3.      Jeny                                 (Sang Chawn nupi)

4.      Biak Cung                       (tleicia)

5.      Ngun Zi                           (Hme Ceu nupi)

6.      Siang Mang                     (Elen ve)

7.      Van Awr                         (Biak Men va)

Pi Ngun Ṭiak he an fa le hna cu..

1.      Elizer                               (Len Thang)

2.      Za Neih Hmung

3.      Tluang Lian Sang

4.      Lai Duh Sang

5.      Ivan Hu

Pi Hmet Caan ( Rual Cung nu)

 Pi Hmet Caan cu Pu Zung Hnin le Pi Sang Kil nih 1926 kum ah an rak hrin. Rev. Chan Thang nih 1943 kum ah Vapi ah tipil a pek. 1942 kum ah Pu Ral Kio he an I um. Fa (6) an ngeih hnu ah a pasal nih cun Aug 18. 1970 kum ah a thih tak hna. A tu ah cun Falam ah a fa le he dam tein an kan nunpi rih caah nunsaunak petu Pathian cungah kan I lawm ko.

A fa le hna cu..

1.      Rual Cung                       (Ṭial Cuai)

2.      Van Lian                         (Than Sang)

3.      Doi Thlia                         (Lian Hmung)

4.      Ṭuan Iang                        (Rual Uk)

5.      Cer Cuai                          (Sang Luai)

6.      Thla Mang                       (Far Doi)

Pi Ni Ṭiak (Nam Lian Nu)

Pi Ni Ṭiak cu Pu Tei Ṭhio le Pi Sun Dim nih an hrinmi a si. A mah hi a nungak ka tein Pathian a biami asi caah pasal hmanh a tong lai loh taah an rak nihsawh ngai. A sin ain amah Pathian lila nih amah aṭihzahmi cu thlua a chuah ve I Pathian a bia ciami Farrawn pa Pu He Mang nih a hun ṭhit ai. Hi an I umh kum hi 1940 kum ah a si. Rev. Van Lo nih 1944 kum ah tipil a pek. A pasal nih cun 29.6.1988 kum ah vawlei har nak cu a dawtu Pathian sin ah a kal tak.

A fa le hna cu…

1.      Nam Lian                        (Thlia Ṭial)

2.      Hniar Vel                        (Dr. Hoi Sang)

3.      Hlawn Thluai                  (Kio Cin)

4.      Thla Iang                         (Sang Hnin)

5.      Dar Pum                          (Khua Thawng)

6.      Ṭial Hniang                     (Lian Hlir)

7.      Sang Par                          (Van Cuan)

8.      Tluang Zing                     (Van Kung)

Pi Fam Doi (Biak Hmung nu)

Pi Fam Doi cu Pu Ceu Chum le Pi Nu Ṭheu nih 1923 kum ah an rak hrin. Amah zong hi a nungak ka tein Pathain a biami asi acah an khuami nih pasal a tong lai lo an rak ti ve. A si naain Mual Kai pa caah an hon hal I I Ṭium dingin an kawm tangah siazong an kawmtangah an hren cang. An I hal cu an theih lo caah Farrawn pa Khen Tlung caah an hon hal ve. Hi lio ah hin Khen Tlung cu Pathian a bia ciami asi caah Fam Doi nih cun kei cu Khrihfa asi lomi he I umh cu ka duh lo a ti I Farrawn pa Khen Tlung cu he cun an I um I Mual Kai pa cu an khirh. 1944 kum ah Rev. Van Lo nih tipil a pek.

A Fa le hna cu…

1.      Khen Thluai                    ( Saya Bawi Tei)

2.      Biak Thang                      ( The Late)

3.      Tluang Doi                      ( Hrang Hnin)

4.      Tawl Thlia                       ( No Hnin Thang)

5.      Rechely                           ( Ni Uk)

6.      Biak Hmung                    ( Duh Sung)

7.      Zung Bawi                      ( Mah Bor)

             March 12, 1989 kum ah a pa Pathian sin ah a kan ding tak.

Pi Ni Rel ( Bual Hre nu)

Pi Ni Rel cu Pu Hei Nuai le Pi Leng Caan nih 1930 kum ah an rak hin. Amah chimnak ah kei cu Pathian hi biakawk a si ti zong k arak thei tuk lo naain zu din hi k arak hua tuk I tlangval nih zu din ah an rak ka rawt an rak ka sawmtuk caah zu ding duh lo te ah Khrihfa ah k arak lut ati.

1979 kum ah CJC ah a lut I Rev. C.K No Chum nih tipil a pek. Pu Lian Nawn he an I um I Pathian nih thlua a chuahmi a fa le hna cu…

1.      Bual Hre                          (Sa Tin zing)

2.      No Iap                             (d)

3.      Van Lal                           (Dawt Hniang)

4.      Par Hnem                        (That Hmung)

5.      Chan Buai                       (Ngun Din)

6.      Ram Hre                          (Man Sung)

Khrihfa a luhnak in atu tiang fek tein a dir pengmi kan nu bik asi. Pumh le thlacam zong a daithlang kho hrim loh. Pathian nih nun sau nak kan pek piak ko seh.

Pi Man Ria

Pi Man Ria cu Pu Caih Dun le Pi Par Iang nih an rak hrinmi asi. Tlangkhua pa Pu Nawl Mang he an I um. 1943 kum ah Rev. Chan Thang nih vapi ah tipil a pek. Amah cu nau ngeihnak in nau cungin a kan thih tak.

Pi Nau Phong (Sa Lian Nu)

Pi NauPhong cu Pu Bual Hnin le Pi Man Bil nih 1924 hrawngah an rak hrin. A pasal cu Pu Dun Pawng upa. Pu Hrang Vung asi.

A fa le hna cu…

1.      Sa Lian                            (Ṭial Tin Zing)

2.      Samual

3.      Khenzi

( C)KHRIHFA BU THENNAK

Baptist

Khrihfa phung an luhnak ah kan ṭial cang bangin Tikhuangtum Khrihfa bu cu Pu Dun Pawng le a hawi le pasarih hna nih 1941 kum ah an rak thok.

Cu hna a hon bawitu hna cu ah cun Pu No Bil, Pu No Hei, Pu Ral Kio, Pu Tawk Mang, Pu Lian Nawn, Pu Duh That, Pu Khup Hei, Pu Ngul Khar, Pi Khuang Cik le Pi Fam Thluai hna an hong si. Cu tic un sau nawnte an I ṭhithruai hnu ah an nau le deuh zong an hong cu za ve cang I,Pu Kim Bil, Pu Buan Mang, Pu Khen Hrang, Pu Leng Dun, Pi Sung Doi, hna nih an hon bawmhchanh ve hna I Khrihfa bu tkamtling ngai ah an hong cang cang. Khihfa bu an dirhnak in hruaitu hna cu..

1.      Pu Dun Pawng                (1941-47)

2.      Pu No Bil                        (1947-49)

3.      Pu Ral Kio                      (1949-60) Pu Kim Bil nih a bawmh chih.

4.      Pu Buan Mang                (1960-90) Church chairman ti asi cang.

5.      Pu Leng Dun                   (1990-96)

6.      Pu Van Lal                      (1996-98)

7.      Pu Hrang Kap                 (1999- a tu tiang hna an si.

Biakinn cu voi nga an sak. A voi khatnak cu Pu Dun Pawng ṭuan liao ah atu Pastor Fung Thang inn car ah an sak. A voi hnihnak cu Pu No Bil a ṭuan lio ah a tu Ca Doi inn hmun ah an sak. A voi thumnak cu Pu Buan Mang ṭuan lio ah a tu Saya Za Cung inn hmun ah an sak. A voili nak cu Pu Buan Mang ṭuan lio ṭhiamṭhiam ah Pu Leng Dun le Pu Hram Zam le tiin a tu Nawl Kio inn hmai ah an sak. A Voinganak cu Pu Leng Dun ṭuan lio ah kan Biakinn hi achia tuk cang mihmai zong khah asi til oh a thar sak a hau ko ati I a mah rhuainak in a thingte cu kan hun at dih. A sin ain amah tu cu pawfah ngeimi asi aah amah kut in sata manh lo in a kan thih tak. Pu Van Lal ṭuan lio ah a thar an hon sak. Hi Biakinn sak ah a tawlrel tu le a re a theibik mi cu Pu Hrang Kap asi I a cung zongah lomhnak tampi kan ngei. 29.12.1999 kum ah Pathian sin ah pekchanhnak kan tuah. Khrihfa Bu cu a ṭhen ve caah atu ah cun Baptist Khrihfa bu cu inn 31 an si I a minung in 190 hrawng an si. Pastor Henry Cung Uk cu Sep. 2000 in an pastor ah an chiah piak hna.

CJC KHRIHFA BU

 Tikhuangtum CJC Khrihfa bu cu 1979 kum ah Baptist Khrihfa bu in inn dang a chuakmi an si.

A dirhtu hna cu…

Pu LengThang le a nupi Ngun Chin

Pu Hram Vung le a nupi Cia Par

Pi Lawng Thluai, Pi Ni Rel, Pi Khua Fo, le nu Kap Nei Sung, hna an si.

Church chairman ṭuantu hna cu..

1.      Pu Hram Vung                (1979-94)

2.      Pu No Ceu                      1995-98)

3.      Pu Za Tling                     (1999 a tu tiang.

An dirhnak in 1991 tiang Biakinn an ngeih lo caah Pu Hram Vung inn ah an I pum. 1992 kumin Biakinn an sak I khuapi tlum asi ual loh an ti I( 2000 )kum ah Biakinn thar 40× 24 an sak ṭhan. Pastor Fung Thang cu 1995 in an pastor ah an chiah piak hna. Atu ah cun inn (32) an si a minung in (200) hrawng an si.

Holiness

Holiness Khrihfa bu cu Rev. Manh Hi camping tuahnak in lungthawhnak an ngeih caah Pu Kap cem le Pu Ram Hre nih May. 5. 1996 ah an dirh. An dirhka ah cun a minung in (30) hrawng an sin ain a zor lei an panh I atu ah cun Inn hnih le a minung in (14) lawng an si cang. Pastor Tawk Ling cu April, 1999 kum in an Pastor ah an chiah piak hna.

DAL IV NAK

JUBILEE COMMITTEE HNA

(1)   Pu Hrang Kap                 (Chiarman)

(2)   Pu Za Tling                     (Vice Chiarman)

(3)   Saya Za Cung                 (Secretary)

(4)   Pu Ni Uk                         (Asst Secretary)

(5)   Pu Hrang Lian Tlung      ( Treasurer)

(6)   Pu Hmun Ceu                 (Asst. Treasurer)

(7)   Pu Ṭial Kham                  (menber)

(8)   Pu Buan Herh                 (menber)

(9)   Pu Lai Mang Ki              (menber)

(10)    Pu Ram Hre                  (member)

(11)    Pu Ral Lian Thang        (member)

(12)    Pu Van Hre                   (member

(13)    Pu Bual Hre                  (member)

(14)    Pastor Cung Uk            (member)

(15)    Pastor Fung Thang        (member)

Sub Hla Lei Ṭuanvo

1.      Pu Ṭial Kham

2.      Pastor Cung Uk

3.      Pastor Fung Thang

4.      Pu Ni Uk

Sub. Tuanbia ṭial le cauk tuah

1.      Saya Za Cung

2.      Pastor Fung Thang

3.      Pastor Cung Uk

4.      Evan. Kap Cem

Sub. Lung caṭial le lungphun

1.      Pu Duh Lal

2.      Pu Van Lal

3.      Pu Mang Uk

4.      Pu Ro Lian Thang

5.      Pu Duh Cung

6.      Pu Sap Neu

Sub. Mandat lei ṭuanvo

1.      Pu Lai Mang Ki

2.      Pu Ṭial Kham

3.      Pu Van Hre

4.      Pu Buan Herh

5.      Pu Ram Hre

6.      Pu Ral Lian Thang

7.      Pu Bual Hre

Sub. Medal lei ṭuanvo

1.      Pu Hrang Kap

2.      Pu Za Tling

Sub. Phaisa hawllei ṭuanvo

1.      Pu Hrang Lian Tlung

2.      Pu Hmun Ceu

3.      Sayakyi Mang Thang

4.      Pu Mang Uk

Sub. Hrawmsa lei ṭuanvo

1.      Pu Ral Vung

2.      Pu Bawi Nawl

3.      Pu Phun Cung

4.      Pu Duh Cung

Sui Jubilee

*Ram an riah tawnnak bualpi timi ah hin khuachia nih khuang an rak tum taw ee.. an ti. Cu caah     semnak kan lai lungrawn khua dawh. Tikhuangtum ti in nuam chilmal in kan leng ṭi.

Thlanmual a liamcangmi Dun Pawng, Fam Cik, Man Ria, Ni Ṭiak, Nau Phong, hna nih hin thlarau in Jubilee par tlan ve hna maw? Phun Ling, Hmet Can, Ni Rel, nungna Jubilee par tlantu zumtu hmasa vial te Jubilee ah upat nak pe cio u sih. Jesuh cu kan ceu nak Bawi Jesuh cu thluachuahnak petu asi. Jesuh cu kan ram ah Bawi chin ko seh, sunparnak luchin cu chinh ter u sih dong lo in Juubilee thluachuahnak cu hmun camcin seh.

                *Thongkhat zariatle sawmkua le kumhnih kum Tlangkhua in Pu Tler Hmung nih khua cu a tlak. Thongkhat zakua le sawmli kumkhat kum ah, Bawi Jesuh ceunak meifardawh te cu a ceu.

*Hnahthial Laical sazuk nun rual hna le,saza run hna le saram phuntling hna nih dong hna sihtithlum an rak thlanh thlaimai bang, Bawi Jesuh thawngṭha Jubilee par kan tlan cang.

*Ni hin cu kum sawmnga tlinnak Jubilee lunglomhnak darkhing tum thawng nih thang chialmal, huatnak le ralnak lungput hlun cu hlaw in, dawtnak kut zaṭial nemte I tlai cang u sih