The Courages

By Dawtte (DK Par)

DK Par

________________________________

Khuazaruat le lungrethei in
Zanttim caanah hnemtu ngei lo
Na um sual maw??

Lung sivaang hlah na reikiang ah
An kaa nem he, an hnemtu ding
Ka thinlung le kan dawtnak cu
Ready tein an um peng ko....

Harsatnak he hnabei dongin
Zingni chuah ah chantu ngei lo
Na um sual maw??

Na beidong hlah mit hmaipanh le
Zawnruahnak he an domtu ding
Ka kutnem le kan dawtnak cu
Ready tein an um peng ko...

Lungfahnak le retheihnak he
Chun nilin ah bawmtu hal in
Na um sual maw??

Na lungfak hlah, na ngaihchia hlah

An chanhchuah in, an tuamhlawmtu,
Ka zawnruahnak le kan dawtnak cu
Ready tein an um peng ko...

Hi vawlei nih a kalpi mi
Thlichia hna le tilet ruangah
Thazaang der in 

Na um sual maw??

Na zaang der hlah thazaang petu
Ka thisa le kan dawtnak cu
Ready tein an um peng ko...

Na ngeih chia hlah, na bei dong hlah
Na lungfak hlah, na thader hlah
Nang mahte lawng, na si lo hih
We have the courages of two.....