BCBS Sport & Games (2013-2014 Cacawn Kum)

Posted on: Dec 28, 2013 BCBS, North Dagon, Yangon

  

2013-2014 cacawn kum, BCBS Sport & Games cu Bishop Dr. C.K. No Chhum, General Secretary Rev. Fr. NC Thawng Tha Thang, Pricipal Rev. Fr. Dr. CK Joshua, General Administrator Sayamahkyi Lun Khua Huai si hna seh, Sport & Games hruaitu Bro. N. Elmon, GFA FC coach Rev. Fr. KB Siang Cung Lian hna hruainak thawngin nihin December 27, 2013 ah hlunghlai ngai in kan thawk. BCBS Sport & Games hi abikin siahngakchia caah kum khat voikhat an i nomh caan asi, tiin kan upa hruaitu pawl nih iruahchih buin tuahmi asi. Asinain, siahngakchia lawng siloin sayate dihlak le BCBS campus chungah a ummi upa, hngakchia dihlak kan itel dih khomi Puai pakhat asi.

Pastor Maela, Dr. Bawi, GS Fr. TT le siahngakchia pawl

Kum dang  he a lo hrimhrim lo. Tukum Sport & Games cu kan thawk dan hrimhrim aa dang ko, tiah mithmuh tette pakhat nih a chim. Flag tlaitu si hna seh, kan uniform hrimhrim hi kum dang nakin kan sangdeuh (kan sinhmit deuh) a titu zong an um len. Cu lioah, uniform kong he pehtlaiin a rak buaimi zong rak um len rih asi ve. Zeidangah siloin, “Kan nih cu kan pungsan a rawh dih cang caah kan angki kan i tlum lo,” atitu Sayamah Mary Ann, Sayamah Siamte le Sayamah Nu Rem te pawl an iceih len thawng, mipi hnathlam ah a leng ngai. Cu hna lak ahcun respected Bishop le Father K. Naing Hung zong itel ve dawh an si ve. Zeicaah tiah, Bishop nih an mah team angki aa hrut lo caah a tlum lo caah asi ko lai, tiah ruahdamh lunghringnak kan ngei dih cio, an ti. A hnu i aa hruk ṭhan lo asi ahcun Sport & Games committee sinah kanhkuat dingin meeting kan ṭhu cang, tiah John Beer team leader Hluk Luai nih a chim.

“Nihin kan puai cu sungh nih a kan hmel ko, loh bak si, kaa timhtuahning rup in kan cawl kho lo,” tiah Fr. TT nih a chimmi thawng Blue le Red team, pumpululh cuih zoh pawl hnahlam ah a thang ko, an ti. Zaanlei sang pumpululh chuih lioah Fr. KB cu fak ngai in danya a ngah. Zeitindah aa khawndenning asi, tiah hlathlainak an tuah tikah bawlung van ah an chuihmi a lu a sutnak ah a tawkawng aa cangh, tiah tette pakhat nih a chim. 

Puai hramthokin a dongh tiang (90 minutes chung) aa celh ve ko nain a thlan a chuak lomi cu Bishop asi, tiah David Chupp team lei nih an chim. Cucaah, kan mah media lei le Journalists pawl nih “Man of the Match” asi ko tiah kan cohlan. Nain cuih ding nii tampi a taang rih caah committee pawl nih zeitin biakhiahnak an tuah te lai, ngah phawt rih a hau ko.

Cu lioah bia pakhat vaivuan a thangmi pakhat an chimmi cu, “Saya Elmon (Sport &

Fr. Ko Kyaw, Fr. K. N. Hung and Fr. Daniel and friends.

Games hruaitu) hi nikum le tukum a cawlcanghning aa dang ko e,” ti asi. "A mawh ve hme maw, midang zong kan rak si cio ko. A ṭhusaan lo," tiah Fr. Paul Kyaw Myint nih Saya Elmon lei hoih in a chim ve.

Thazaang petu pawl

Puai zohtu pawl nih John Beer team hmaikal pawl hi thleng zau hna u, an phei thaa a dih, atitu zong an rak um len.  

Cu lioah, “puai zohtu thazaang a biapituk” tiin rawl einak kheng le darkio tiang laakin a rak tummi pawl pawng ṭhut ko hi, kan hna zaizik a khuang atitu cheukhat zong an rak um ve. 

“Puai zohtu minung kan tling. A lenglei in kawl pawl tiang nih an kan zohpi. Kan i lawm ngaingai,” tiah Pastor Maela nih a chim.

Sport & Games lioah Laanthaih market pawl le Cutata market pawl an thilzuar (a yawng kawng de) an rak ti len ve, anti. A hleice in, sazuar pawl ko an hlawp tlo, tiah BCBS

manager sin in kan theih. Cucaah, kan campus chungah cawk awk a ṭhami cu a lengah cawk lem loin a chungah cawk si ko sehlaw, kan mah ca zongah zaang a dam. Thil zuartu, tii zuartu kan bawmh hna zong asi ko, tiah Luphoi sayate sin in kan theih.

Cu lioah, kan rawl chumtu U Aung Lay nih Sport & Games hi siahgakchia caah cun inomh caan asi nain ka rian tam caan asi ve. Rawl lawng ka chum. Cucaah, team khat ah minung pahnih cio tel nih rawl chumhchuan ka bawm kho hna sehlaw, tiah Manager sin chim ngam loin media lei tu a kan chimh.