Globalization Ruangah A Chuakmi Pawngkam Rawhralnak

By Henry Nawl Thang Bik

________________________________________________________

Globalization chan thokin khualtawn in (tourism), vawlei dihlak chawleh-chawhrawlnak (international trade) a tthangcho chin lengmang. Ram khat le ram khat fawi le naih-niam tein ipehtlaihnak vawlei dihlak cu fimthiamnak, electric thazaang hmangin ichonhbiaknak le sehthilri lei thiamnak thanchonak nganpi a hun chuak. Sihmanhsehlaw, thancho a thawk bakin khat lei kam ah pawngkam rawhralnak, tlakchamhnak, pamnak, le thinphang thlalau tuksabaarnak hna nih kan vawlei pi cu a von thuivor thluamah colh ve. Globalization ruangah thanchonak a um bantukin tumchuknak, tlakchamhnak le rawhralnak zong tampi a um ve caah globalization ruangah vawlei le pawngkam thilri hna hi zeitindah a hrawh timi kong hi kan ifian ngaingai a herh. (We need to know about globalization and its impact on the environment.)

Nihin kan vawlei cu globalization tiluan nih kan nunzia (moral life) le thilhrut aihning (fashion style) cungah fak piin rian a tuan. Sehthiamnak (technology) thawngin, vawlei dihlak fawi zaang tein ichawnhbiak khawhnak chan tiluan thar lei ah a luancia kum nakin globalization chan nih a let tampi in a kan tlik pi. Cu ruangah, nunphung aa khat lomi minung hmanh hmun khat ah a kan fonh kho. Sipuazi lei kam zoh tikah thanchonak lam kau piin a kan hun piak fawn. Asinain, khat lei kam ah globalization chan tiluan nih pawngkam fak tukin a khawn-den tikah a hring zungzal mi kan vawlei nih tlakchamhnak fak tukin a ton ve caah rocarnak nih a tlunh dih hna.

Hlathlaitu nih a chim ningah, ‘Globalization chan tiluan zongah minung nih kan herh mi lengin thilri hmanmi a tam tuk caah, nifatin kan khuasak tinhtuknak dingah lungretheihnak le harsatnak tampi a chuah pi,’ a ti. Globalization ruangah fawizang tein khualtlawn khawhnak (easier transportation) a karh caah thinghring hau le ti-rawl tam pipi hmun dang, kaa dangah phurhnak a karh than. A dang chim loin, an phurhnak ah an hman mi dezel/datsi (fuel) hmanh nih thlithiang thurhnomhnak a chuah lawng si loin pangkam thilri caah ruahralnak le tlakchamhnak a chuah fawn. Hi khualtlawn (leilawng/tilong/vanlong) hmangin chawleh-chawhrawlnak nih rawhralnak a chuah biknak cu gas/petrol (fuel or gasoline) an hmangmi hi athar ah thlen than khawh asi ti lo ruangah a si, an ti.

Vanlong khual tlawn chan a si tikah hi khualtlawnnak caah an hman mi meikhu (gas—carbon, acid, tbk) nih inn-hring (green house) rawhralnak a chuah lawng si loin ozone layer (ozone tlap) riantuan ning thazaang a der ter. Sehzung kampani tampi nih an hnawmtam vialte tilawng khatkhat in rili chungah an hlawnh mi nih tii chung um thilnung dihlak caah zawtnak le thihnak tiang a phanhter hna fawn.  Kum 2010 ah eco-system timi pawngkam thilnung le datsi (oil) a rawhnak/a zornak bik cu globalization chan tiluan ruangah asi, tiah an ti.

Globalization le Industrialization (sehzunglei thiamnak le chan tiluan thanchonak) ruangah chemical he sermi sii hna kha kan cinthlak mi thlaikheu, tirawl thanternak caah kan hman. Cu nih cun, vawlei dawm a hrawh lawng si loin minung caah tihnung asi mi, belh tha lo le zawtnak tha lo zong a chuahter chap.  Kan vawlei hmun tampi ahcun, tlang le tuhmawng vialte thiam dih in lampi ser an si. A hring zungzal mi tupi hna kha these ramcar bantukin an rocar. Minung tampi ka hung ibu i khuapi ah kan ser. Inn dot thatha kan sak. Cucu ‘urbanization’ tiah auh a si. Minung caah cikhatte cu a nuam ko lai nain kan pawngkam nih rawhralnak le tlakchamhnak an tonmi remh than ding le a thar in von ser than ding tu cu caan saupi a rau rih ding a si. Palastic hi pawngkam caah rawhralnak chuahtertu ngan pi asi, ti hi el hau lo a si. Zeicaahtiah, a rawh/hlun tikah thil dangah a cang than kho ti lo. Phun dang in chim ahcun, non-biodegradable, a si. Asinain, plastic hi hman loin kan um hlei lo. Cu nih cun, pawngkam rawhralnak  tampi a chuahter.

Cu Globalization chan tiluan nih cun Laimi zong a kan den, a kan thoi, a kan vor len ve. Hlawknak tampi a kan pek. Chiatnak a kan pek nakhnga lo bal kan i ralrin cio a herh. Phundang in kan chim ahcun kan thilhuam (fashion), tammoih (cosmetics), le holh (language) hna nih Laimi nunphung, lungput le caholh a kan hrawhpiaktu an si nakhnga lo ralring tein um kan herh. Globalization ruangah foizaang tein itlawn kai khawhnak Motor lam pemh tlangkip ti awkin itimh dih cio a si. Motor cycle phaakkhawh lonak le bang cu khua a tlawm te lawng an si. Cu lampi tuahnak ah thingkung kung zeizat remruam dah hau le phur an si te lai? Kha kan haumi thingkung le leivor hna tiang zongin a herh lonak ah hlohthlau lo kha kan rian ngan pakhat a si. Cu lawng hlah e! Khuate hmanh ah motor bike kul-sawmthum um lonak cu khua tlawmte lawng a si cang. Cu nih cun, Sound pollution a chuahpi caah a herh lo huaha motor bike cit te hna hi kan i sawm/ralrin a herh. Video ngeih zong hi thancho pakhat a si nain pumh tolh, rian tolh tiangin (Korea) zatlaan zoh te hna hi a kan hrawhtu a si caah, iralring ding thil a si ve.

Globalization asiloah IT chan tiluan ruangah kan hmuh, kan theih bal lomi le kan tongh bal lomi Mobile, Internet, Laptop, MP3, MP4 le Electronic media phun tampi kan kuat cungah an von phan kho ve. Mi tampi cu kan ithatpi nakin kan ichiat pinak a tam deuh. Riantolh in hawi le he chatting/gtalk/vzo (email in biaruahnak) tuah hei ti phun, kum tling lo nih website thalo zoh le kau te hna an hmang. Mobile phone zong hi mi cheukhat caahcun thatnak a si nain mi tampi caah rawhnak a si hoi—film thalo le games phunphun kan chiah mi ruangah. Cu lawng si loin, cell phone radiation hi a mak lawng si loin khuaruahhar thil pakhat a si. A thazaang thawngmi ‘electromagnetic’ timi nih brain hyperactivity, mental fogginess, loss of concentration, sleep disturbances, stress head-aches, migraine… tbk, tiang a phaan/chuak kho, tiah mifim nih a chim. Cu caah, thil tha, thanchonak kan timi zong hi a hman zia kan thiam lo, kan i ralring lo ahcun a kan hrawhtu thil an si kho.

phone kan ichawnhnak in pe 20 vuakvel a huap. Cell phone hmangin kan i chawnh ah khin radio frequency radiation (RFR) 900 MHz in 2, 800 MHz lakkar Microwave frequency in kan aw a chuak. Zeitlukin dah a cak ti theih na duh ahcun TV maw, computer monitor pawngah na cell phone chiah law, von call hmanh. Radiation effect zeitlukin dah a cak, ti na fiang ko lai. Cucu, kan hnakhaw i kan beh peng tikah caan sau a rauh ahcun brainwaves timi a rawhter/chuahter kho. Cu nih cun, brain cancer le brain tumors tiang zong a chuahpi khawh. Cu lawng si rih lo. Cell phone radiation nih kan theihnak thluak a hrawh deuhdeuh tikah nerve impulse a chuak. Cu nih cun, a bikin tluak chung i thari le thluak tissue karlak ummi cells a hrawh khawh. Cu cells a rawh hnu ahcun zawtnak phun dangdang—

Globalization nih minung nunnak ah thlennak le thatnak tampi achuah pi ko nain zaa ah zaa cun a si lo/a chuah pi lo. Kan innpa a si mi pawngkam thil vialte nih duhdim nun an hmuh khawhnak ding le kan ngeihmi thilri hna nih minung caah thanchonak tlamtling an kan pek khawhnak ding ahcun kan globalization ruahnak kan thlen aherh.  Minung kan nunnak hi pawngkam he aa then kho lo bantukin kan mit kan chinh tak hna in kan hna kan pheh tak kho fawn hna lo. Pawngkam thilri hna hi felfai tein kan kilven hna awk tu kan rian ngan a si. Kan i zuam awk a si. Mi tampi nih hi kong hi kan theih, kan chim cio ko nain atu cu kan tuan caan aphan cang. ‘Chim zairel ti loin tuan zaitu rel cang hna usih’ an ti bantukin hi capar nih ‘globalization nih a chauhpi mi pawngkam rawhralnak’ lawng si loin minung caah tihnung a sinak kong zong tlawmpal a kan chimh. A chimmi hi kan i fiang dih cio nakhnga le pawngkam thilri zohkhenh le dawt zia kan thiam khawhnak hnga catialtu pumpak nih kan sawm hna. Pawngkam rawhralnak hi thlarau rawhralnak he a pehtlai mi an si, ti zong hi philh lo dingin kan sawm chih hna. (Ecological crisis is spiritual crisis, too).

Reference:

1.      Rahul Pandita, Globalization and Its Effect. 2011.

2.      Er. Chhungpuia Renthei, Kohran Palai. March-April, 2013.

3.      Aizawl Post, June 13, 2011.