Malaysia ummi Kawl le Indonesia karlak ah itukcheihnak a chuak

Malaysia ummi Kawl le Indonesia karlak ah itukcheihnak a chuak

Tuzarh chungah Malaysia um rianṭuan pawl, Kawl le Indonesia mipem hna karlak ah buainak fak piin a chuak.  Buainak a chuahnak hi an rianṭuannak dockyard, Brunei ramri pawngah asi.

Lungihmuh lo ruangah buaibainak le itukcheihnak hi December 23, 2013 khan aa thok. Suimilam caan sua deuh a ṭuanmi Kawlram minung pahnih le Indonesia minung pahnih karlak ah  lungihmuh loin bia alnak an ngei. Cu lioahcun, midang cu rawl cawk ah a leng an chuak dih caan asi. Cu bia alnak ruangah cuka apartment i a ummi Indonesia minung 500 thluk nih Kawlram 97 an thilri vialte an khanhpiak hna, tiah internet ah caa an thlah. 

Kawlram rianṭuantu cheukhat nih, “Atu cu Kawlram rianṭuan pawl Indonesia umnak pawngah kan um ngam ti lo, rian zong kan ṭuan ngam ti lo,” tiah internet in ca an ṭial.

Cozoh rianṭuan upa hna nih Malaysia um Kawlram embassies le Brunei embassies hna nih Kawlram minung humhimnak dingah ca an tial lawng siloin Deputy Foreign Minister U Zaw Htay nih president nawlngeihnak ningin Kawlram minung humhimnak an hmuh khawhnak dingah thawngthanhnak caa a ṭial, tiah Mizzima online nih a ṭial.