Kum 2014-15 BLF Sport & Games Thawng Bultan

Tukum 2014-15 cacawn kum Sport & Games cu lung a hliphlau ko. Tukum bantukin t’ihnungmi team lawngte an iton hi a um lo, tiah AECS pakhat sin in theih asi. 

Kum 2 a peh in BLF Sport & Games Champion a suaitu AECS cu zenh an um pah ko nain BEACON nih rak tei tawn lengmang mi an si caah an chuih zoh lai ngaih a um ko. Thin phu dupdup in a tur. Zei team set tanh awk a tha lo, tiah Bro. Van Lian Hum nih a chim. TBBC zong hi Champion hlun a si ve caah zohniam ding an si hleilo, a rak titu zong an tlawm ve lo. 

Calvin nih tukum cu champion kan si ko lai, tiah an hotu pakhat sin in theih asi ve hoi. Chainai lei le Hyderabad team pawl an itimhning a that tuk ve tikah zeitin an sining chim awk a tha thlua ve lo. Champion si ding hrimhrim in von rat dawh in pakhat nih a chim ve. 

Chin United zong hi chim awk kan tha ve lo, bawlung cu a pum le champion si khawh a fawi ko, tiah an capt. Van Tha Cung nih zapi hngan ah a chim hngap ve. 

Maranatha le Cor-in zong hi an mah cangah cun champion ding bakin an izum ve. Tukum BLF Sport & Games season cu hlunghlai ngai dawh asi ko.  Champion lawngte team 9 ton ding an si nain an team 9 ning cun champion si awk a that lai lo caah 1^st & Champion asi ding team cu Chin United, AECS le Calvin ah pakhat changchang an si ko lai, tiah Sport lei lutlai pakhat nih chimchungnak a ngei. 

Zei team dah Champion asi te lai timi tu cu thaizing news ah kan von thanh than te lai.