Kawlram Phunghrampi Remh Dingin President Thein Sein A Lungtling (President Thein Sein Agrees to Repair 2008 Burma Constitution)

Atu lio Kawlram mipi nih buaipimi le ceih bikmi cu Kawlram phunghrampi remh t’han ding, a thar in t’ial ding, remh t’han lo ding timi hna hi an si. 2008 Kawlram phunghrampi kongkua he pehtlaiin remh t’han dingin President Thein Sein a lungtling, tiah Myanmar News thanh ca nih a t’ial.

Cozah ngeihmi thanh ca le media pawl nih nihin January 2, 2014 ah an chim hi asi i ‘Kawlram phunghrampi hi remh t’han ding asi ko,’ tiah mipi authawng um hnu in atu hi a voikhatnak President Thein Sein nih remh dingin a lungtlinnak media in a langhter hi asi.

Kawlram phunghrampi remhnak kong he pehtlaiin Daw Suh le Amyotha zung uk NLD party nih mipi ruahnak halnak an tuahmi vialte, President Thein Sein nih lungtlinnak a ngeihnak kong zong a langhter chih.

2008 phunghrampi he pehtlaiin remh t’han dingmi phunthum in t’hen khawh asi. Ram daihnak le mitlawm bu/tlangcung mi hna lungrualnak kongah siseh, remh ding, hlawnh ding, chap ding zong tampi a um pinah, Kawlram President ah thim ding mi quality kongkua zong cheihchih le remhchih dingin President Thein Sein nih a chim.

President Thein Sein nih “Ram president thiamnak kongah ram chung minung nih a dikmi le a hmaanmi thiamnak ngeih kan herh” tiah a chim chap fawn.

Nihin President nih a chimmi Kawlram phunghrampi remhnak kong he pehtlai in RFA ah Zin Ma Win nih request a tuahmi chungin ngai khawh an si.